Caída dun 7,2% na venda dos pisos

Parece que os primeiros síntomas da explosión da burbulla inmobiliaria empézanse a notar. Segundo o informe que presentou o colexio de Registradores, 900 mil pisos cambiaron de mans en 2006, o que supón un descenso do 7,2% con respecto ao ano anterior.

Comenta Xullo Rodríguez ex presidente do Banco Hipotecario ao diario o Pais que “Onde vai unha economía que inicia 800.000 vivendas e vende menos de 400.000 novas ao ano?“.

As cifras de 2007 tampouco son moi halagüeñas, xa que de novo vemos un descenso no primeiro trimestre do 8,6% fronte ao mesmo periodo de 2006.

Os pisos usados, son os que máis se compraron e venderon en 2006: Un 56% do total. Con todo séguense construíndo pisos novos a ritmos de máis de 800 mil vivendas ao ano. Máis do 50% das compras pecháronse con vivendas de máis de 80 metros cadrados. Os apartamentos de entre 60 e 80 metros representan o 27,9% das vendas.

Outro dato máis. A media do periodo de hipoteca segue subindo. En 2006 quedou en case 27 anos. E o Euribor segue subindo para chegar ao 5%.

Aínda así, para todo aquel que estea aínda pensando en hipotecarse recomendámoslle que se pase por Hipotecas E Depósitos, o blog onde o experto en entidades bancarias A de a Torre contesta diariamente a todas as dúbidas que teñamos.

Queremos completar a información cuns gráficos moi interesantes que atopamos en SalaBecarios que compara a burbulla de 1985 coa actual.